Skip to content
Два дена по потпишувањето на новиот колективен договор за работниците на Германската пошта (Дојче пошта), оваа компанија најави големи кратења, повикувајќи се на колективниот договор – до крајот на оваа година ќе отпушти 8.000 вработени.
Германската пошта имаше 187.000 работници на почетокот на годината, што значи дека четири отсто од вкупната работна сила на компанијата ќе бидат отпуштени. Раководството уверува дека отпуштањата ќе се одвиваат на општествено прифатлив начин, со цел поштата да биде поефикасна.
Извршниот директор на Дојче пост, Тобијас Мајер, истакна дека проблемот е што со години се намалуваат пратките на писма, како и тоа што глобалната логистичка компанија ДХЛ има намера да го прекине партнерството со нив. Имено, дури и DHL, која има 600.000 работници ширум светот, има програма за штедење која подразбира промени во бизнисот.
Мејер истакна дека спроведувањето на новиот колективен договор ќе ги чини 360 милиони евра до крајот на следната година. Тој тврди дека поскапувањето на поштарината, што се случи на почетокот на годинава, нема да биде доволно за решавање на финансиските проблеми. Поштенските услуги во Германија се исто така погодени од геополитичките и геоекономските околности, пишува tagesschau.
