Хуманоидните роботи – дел од секојдневието за помалку од 5 години

Извршниот директор на NVIDIA, Џенсен Хуанг, предвидува дека хуманоидните роботи наскоро ќе станат реалност, особено во производствената индустрија, која е прва подготвена да ги прифати.

На годишната конференција на компанијата во Сан Хозе, Калифорнија, Хуанг претстави нови софтверски алатки кои ќе им овозможат на роботите подобро да се прилагодат на реалниот свет. Според него, роботите ќе имаат дефинирани задачи и ќе работат во контролирани средини, што ја прави индустријата идеално место за нивната примена.

„Ова не е технологија што ќе дојде за пет години, туку за неколку“, изјави Хуанг, додавајќи дека цената за изнајмување на вакви роботи би била околу 100.000 долари – сума која, според него, е економски оправдана.