Иран: Директни преговори со САД за нуклеарната програма нема да имаат смисла

Иранскиот министер за надворешни работи, Абас Арагчи, изјави дека директните преговори со САД за иранската нуклеарна програма „нема да имаат никаква смисла“.

Неговата изјава е одговор на повикот на американскиот претседател Доналд Трамп, кој побара од Вашингтон и Техеран да започнат директни разговори, предупредувајќи дека ќе го бомбардира Иран ако дипломатските напори не успеат.

Арагчи нагласи дека „директните преговори со земја која постојано се заканува со употреба на сила и која изразува контрадикторни позиции преку различни нејзини функционери нема да има смисла“, како што е наведено во изјавата на Министерството за надворешни работи на Иран.