Изгледа средбата САД-Русија не била само за Украина

Според Moscow Times на средбата во Ријад се разговарало и за враќање на американските нафтени компании кои се заинтересирани за заеднички проекти со Русија на Арктикот, изјави шефот на рускиот Фонд за директни инвестиции Кирил Дмитриев.

Оттаму, сосема логични се и вестите дека состанокот во Ријад не бил само за Украина.

Големите нафтени компании од Соединетите Држави имаа „многу успешен бизнис“ во Русија, рече Дмитриев: „Веруваме дека во одреден момент ќе се вратат, бидејќи зошто би ја одбиле можноста да пристапат до руските природни ресурси што им ги дала Русија?“

Според Дмитриев, еден од тројцата делегати избрани од Владимир Путин за средба со Американците во Ријад, Москва смета дека е важно да се продолжи економската соработка со Соединетите Држави.

Тој посочи дека американските компании изгубиле околу 300 милијарди долари со напуштањето на рускиот пазар поради војната во Украина.

На состанокот САД/Русија во Саудиска Арабија интересно е што Русија во својот тим го имала и Дмитриј Риболовлев. Тој е рускиот олигарх кој ја купи куќата на Трамп во Палм Бич за 95 милиони долари во 2008 година. Трамп во тој момент требаше да прогласи банкрот и ова купување му помогна многу.