Skip to content
Во април 2024 година, Германија ја легализираше рекреативната употреба на марихуана, станувајќи најголемата европска земја што го направила овој чекор. Со тоа, таа се приклучи на сè поголемиот број држави во Европа кои усвојуваат закони што дозволуваат користење канабис — за медицински, па дури и за лични, рекреативни цели.
Според компанијата Prohibition Partners, европскиот пазар на канабис оваа година се проценува на околу 1,2 милијарди долари, а се очекува до 2028 година да достигне 2,6 милијарди, а во следните 10 години да порасне на 6 милијарди долари годишно — раст од над 400%.
Рекреативна употреба: три земји предничат
- Малта – Првата земја во ЕУ што ја легализираше личната употреба (2021). Дозволен е сопствен узгој до четири растенија и користење во рамки на некомерцијални клубови.
- Луксембург – Легализира рекреативен канабис во 2023 година, но сè уште не дозволува продажба. Дозволен е личен узгој (до четири растенија) и приватна употреба.
- Германија – Од 2024 година, дозволено е поседување до 50 грама и узгој до три растенија. Продажбата се одвива преку некомерцијални клубови.
Медицинска марихуана: дозволена во над 10 европски земји
Во многу земји медицинскиот канабис е дозволен, но под строги услови и само преку аптеки. Некои, како Кипар, дозволуваат само канабис-уље; други, како Велика Британија, дозволуваат и употреба на цветот.
Земји што дозволуваат медицинска марихуана:
Кипар, Чешка, Данска, Франција, Грција, Италија, Северна Македонија, Норвешка, Португалија, Романија, Швајцарија, Украина, Велика Британија
Декриминализација: „сива зона“ со растечки тренд
Во четири земји марихуаната е декриминализирана, што значи дека поседувањето за лична употреба не се казнува како кривично дело.
Земји со декриминализирана марихуана:
Шпанија (државен узгој и извоз, но продажбата сè уште е во сива зона), Холандија (политика на толеранција со легализирани „кафе барови“), Словенија, Естонија
Фармацевтски канабиноиди: дозволени во повеќе земји, но строго регулирани
Лекови како Сативекс (THC/CBD) и дронабинол (синтетички THC) се дозволени на рецепт во:
Австрија, Белгија, Хрватска, Финска, Ирска, Лихтенштајн, Полска, Турција
Каде канабисот сè уште е целосно забранет?
Во голем број земји канабисот останува нелегален и за медицинска и за рекреативна употреба:
Андора, Бугарија, Босна и Херцеговина, Белорусија, Исланд, Косово, Литванија, Летонија, Монако, Молдавија, Црна Гора, Сан Марино, Србија, Словачка, Шведска, Унгарија
Иако европскиот пазар е сè уште далеку помал од оној во САД (каде годишната продажба достигнува 32 милијарди долари), со стабилни и разумни регулативи и зголемени инвестиции, индустријата на канабис во Европа има јасна насока на раст. Како што вели аналитичарот Боу Витни:
„Растот е бавен, но политиките се практични и засновани на здрав разум.“
