Каде учеле милијардерите: Топ 10 универзитети што создаваат богаташи

Од Бернард Арно до Мукеш Амбани, некои од најпознатите милијардери не завршиле факултет, додека други дипломирале на некои од најпрестижните универзитети.

Во светот на високите финансии, технологијата и глобалниот бизнис, постои еден заеднички именител што ги врзува најголемите играчи: образованието. Иако успехот нема универзална формула, некои универзитети очигледно го имаат тајниот рецепт – средина каде што се спојуваат знаењето, менторството и претприемничкиот дух.

Овие институции не се само расадници на дипломци. Тие создаваат лидери, визионери и милијардери. Од таму излегле луѓе што денес обликуваат индустрии, трансформираат пазари и диктираат глобални трендови.

Додека некои веруваат дека богатството е среќа или наследство, фактите покажуваат дека средината во која ќе учиш, луѓето што ќе ги сретнеш и вредностите што ќе ги усвоиш – често се одлучувачки фактори на патот до врвот.

Бернард Арно

Најбогатиот човек на светот според магазинот „Форбс“, Бернард Арно, е основач и претседател на луксузниот бренд „ЛВМХ“. Што се однесува до неговото образование, тој е дипломиран инженер на Политехничкиот универзитет во Париз.

Илон Маск

Еден од најбогатите луѓе во светот и сопственик на „Х“, дипломирал на Универзитетот во Пенсилванија. Има диплома за уметност и наука.

Џеф Безос

Шефот на „Амазон“ има диплома по електротехника и компјутерски науки. Дипломирал на „Принстон“.

Лари Елисон

Шефот на технолошкиот оддел во американската мултинационална компанија за компјутерска технологија „Оракл“ е еден од најбогатите милијардери во светот, но никогаш не завршил факултет. Прво студирал на Универзитетот во Илиноис, а потоа на Универзитетот во Чикаго. Сепак, тој се откажал од формалното образование и поминал 10 години пишувајќи компјутерски кодови за различни клиенти.

Марк Закерберг

Еден од основачите на „Мета“ (поранешен „Фејсбук“), Марк Закерберг, студирал на „Харвард“, но одлучил да го напушти.

Бил Гејтс

Поранешниот извршен директор на „Мајкрософт“, Бил Гејтс, се откажал од Универзитетот „Харвард“ по само три семестри за да започне бизнис со својот пријател Пол Ален.

Мукеш Амбани

Најбогатиот Индиец Мукеш Амбани е сопственик на мултинационалниот конгломерат „Релајнс индустрис“, кој се занимава со енергија, природен гас, малопродажба, телекомуникации, масовни медиуми и текстил. Студирал бизнис-администрација на Универзитетот „Стенфорд“, но се откажал за да му помогне на својот татко, кој во тоа време градел компанија.

Извор: money.mk