Која е Дора Пекеч, новата портпаролка на Мамдани и Њујорк со потекло од Хрватска?

Во американските медиуми, таа беше претставена како гласот што ги објаснуваше предлозите на Мамдани за бесплатен превоз, домување и одговори на политички напади.

Дора Пекеч, новата портпаролка на Мамдани и Њујорк со потекло од Хрватска, успешно ја претставуваше кампањата на Зохран Мамдани, новиот градоначачлник на Њујорк со пораки што беа добро прифатени од гласачите, во кои доминираа три ветувања – замрзнување на кириите, бесплатни автобуси и грижа за деца.

Прогресивната порака на Мамдани ги мотивираше жителите на Њујорк, вклучително и оние што не гласаа на претседателските избори минатата година.

Дора Пекеч дипломирала во средното училиште „Ист Чапел Хил“ и студирала на престижниот американски универзитет „Дјук“, каде што стекнала диплома по политички науки и јавна политика и била активна во разни клубови и академски проекти каде што се истакнала во меѓународните односи и јавната комуникација.

Пред да почне да работи за Мамдани, таа била вклучена во кампањата на демократот Бред Ландер, кој подоцна загубил од Мамдани на партиските избори.

Дополнително, таа ги водеше комуникациите на Демократскиот политички акционен комитет (ПАК), организација која собира финансиски средства во рамките на партијата. Така, на изборите во 2024 година беа собрани 290 милиони евра.

Таа работеше и на истите работни места за демократскиот советник од Чикаго, Бил Конвеј, како и во кампањата за реизбор на гувернерот на Илиноис, Џ.Б. Прицкер.

Нејзиниот татко е исто така добро познато име на хрватската бизнис и академска сцена. Александар Пекеч работи како професор на Факултетот за бизнис „Фуква“ на Универзитетот Дјук и е член на Надзорниот одбор на Атлантик Група. Дипломирал на Универзитетот во Загреб, а докторирал на Универзитетот Рутгерс.