Колку помош ѝ дадоа САД на Украина во споредба со ЕУ?

Соединетите Американски Држави се одговорни за 43% од целата помош доделена на Украина од целосната инвазија на Русија во 2022 година, според Килскиот институт за светска економија.

Ова изнесува околу 120 милијарди долари и ја вклучува целата хуманитарна, финансиска и воена помош.

Европа како целина испрати повеќе помош за Украина отколку САД.

Финансирањето преку институциите на ЕУ изнесува нешто повеќе од 18%, со најголеми износи дополнителна билатерална помош обезбедени од Германија (6,5%) и Велика Британија (5,5%) до крајот на 2024 година.

Гледајќи ја само воената поддршка за Украина, САД повторно доминираат во финансирањето, обезбедувајќи 49,4 отсто од сите трошоци од јануари 2022 година.

Германија обезбеди скоро 10%, а Велика Британија даде скоро 8% до крајот на декември 2024 година.