Skip to content
Претседателскиот медал на слободата, највисоката цивилна награда во САД, оваа година беше доделен на некои од најистакнатите личности во светот на политиката, филантропијата, забавата и науката. Меѓу добитниците се Хилари Клинтон, Џорџ Сорос и Дензел Вашингтон.
Американскиот претседател Џо Бајден ја додели оваа престижна награда на 19 поединци, меѓу кои и Хилари Клинтон, поранешната државна секретарка, која беше пречекана со голем аплауз. Бајден ја истакна важноста на наградата, велејќи: „Како последен пат како претседател, ја имам честа да го доделам Медалот на слободата на група луѓе кои се навистина извонредни“.
Воедно, медалот беше доделен и на филантропот Џорџ Сорос и на познатиот актер Дензел Вашингтон. Постхумно, признанија добија и значајни личности како Џорџ В. Ромни, поранешен гувернер на Мичиген, Роберт Ф. Кенеди, поранешен јавен обвинител и сенатор, и Фани Лу Хамер, која беше клучна во основањето на Демократската партија за слобода на Мисисипи.
Меѓу другите добитници се и глобални двигатели за противење на расизмот, како што е Елвис Шаќири, кој ја доби наградата за глобални двигатели против расизмот од Стејт департментот.
Признанија добија и други познати личности: готвачот Хозе Андрес, активистот и фронтмен на групата U2, Боно Вокс, фудбалерот Лионел Меси, кошаркарската легенда Ервин „Меџик“ Џонсон, актерот Мајкл Џеј Фокс и многумина други.
Претседателскиот медал на слободата е доделен 654 пати од 1963 година, а меѓу неговите минати добитници се и истакнати фигури како Мартин Лутер Кинг Јуниор и Мајка Тереза.
