На авион на „Ер Канада“ му се запали моторот при слетување

Авион на „Ер Канада“ принудно слета на меѓународниот аеродром Халифакс Стенфилд по проблем со опремата за слетување, што доведе до излизгување и пожар на моторот. Авионот, лет 2259, кој полета од Св. Џонс, се соочил со дефект на едно од тркалата при слетувањето околу 21:30 часот по Атлантско време.

Патникот Ники Валентин изјави за „Си-би-ес њуз“ дека тркалото не се ослободило правилно, што предизвикало авионот да се спушти под агол од околу 20 степени, по што крилото започнало да лизга преку асфалтот, заедно со моторот.

По слетувањето, патниците и екипажот биле евакуирани, а во инцидентот нема жртви. Летовите на аеродромот Халифакс беа привремено прекинати, но една писта беше повторно отворена во раните утрински часови.