Skip to content
На 14 октомври во Белгија нема да се реализира ниту еден лет од аеродромот „Шарлероа“. Управата на аеродромот соопшти дека сите поаѓања и пристигнувања се откажуваат поради националниот штрајк организиран од синдикатите.
„Поради националниот ден на акција и недостаток на персонал за безбедно одвивање на сообраќајот, сите летови на 14 октомври ќе бидат анулирани“, стои во известувањето пренесено од „Ројтерс“.
Синдикатите во Белгија најавуваат целодневен штрајк како протест против владините мерки за штедење.