Најмалку 32 лица, од кои 14 деца, загинаа во поплавите во округот Кер, во Тексас, по 27 девојчиња сè уште се трага

Најмалку 32 лица, вклучувајќи 14 деца, загинаа во округот Кер, Тексас, по ненадејните поплави што ја зафатија државата. Од загинатите, осум сè уште не се идентификувани.

Службениците велат дека операциите за пребарување и спасување продолжуваат, бидејќи 27 девојчиња сè уште се водат како исчезнати откако поплавите го зафатија христијанскиот камп на бреговите на реката Гвадалупе, каде што го поминуваа дел од летото.

Обилните дождови продолжуваат да паѓаат низ државата Лоун Старт, а Националната метеоролошка служба (NWS) издаде нови предупредувања за поплави низ целиот регион, додека жителите се борат со поројното време.

Градоначалникот на еден од најтешко погодените градови, Кервил, ги повика сите да се молат за неговата заедница – чувство што го повтори и гувернерот на Тексас, Грег Абот, потпишувајќи продолжена декларација за вонредна состојба и барајќи поддршка од федералната влада.

Со деца сè уште исчезнати, уништени домови и опасност сè уште присутна, властите ги замолуваат Тексашаните да го направат она што најдобро го прават и да се обединат.

Семејствата на четири девојчиња ја потврдија смртта на нивните деца за CNN, додека други се во мачно исчекува на вести за своите деца.

Администрацијата на Трамп ќе ја почитува федералната декларација за катастрофа потпишана од Абот за да помогне во директната помош за Тексас, откако претседателот отфрли некои други барања оваа година и се обиде да го префрли товарот на одговороност за катастрофите врз државите.