Највисоко ниво на тревога во Мексико: Силен ураган Труди се движи кон Акапулко, со налети од 195 км/ч

Ураганот Труди, кој се движи кон југозападните и западните делови од пацифичкиот брег на Мексико, се засили и прерасна во моќен ураган од трета категорија.

Утрово, ураганот се наоѓал на околу 385 километри југозападно од Акапулко, Мексико, и околу 535 километри југоисточно од Манзаниљо, исто така во Мексико , јавува Асошиејтед Прес.

Максималната одржлива брзина на ветерот била 195 километри на час, додека бурата се движела кон северозапад со брзина од девет километри на час, соопшти американскиот Национален центар за урагани во Мајами.

Предупредување за ураган е издадено за мексиканскиот брег, додека предупредување за тропска бура е издадено за областа од Зихуатанехо по должината на брегот до Манзаниљо, се вели во соопштението од центарот. Тропската бура Симон кружеше северозападно од ураганот Труди, со ветрови од 75 километри на час. Според прогнозите, наскоро треба да ослабне.

Предупредување за тајфун е издадено за Гуам и Рота, додека предупредување за тропска бура е издадено за Тиниан, Сајпан и околните области.