Skip to content
Руските сили извршија балистички ракетен напад врз Криви Рих, родниот град на украинскиот претседател Володимир Зеленски.
Како што пренесува Киев пост, во нападот загинале 12 лица, а ранети се и најмалку 50 лица.
Според шефот на управата за одбрана на градот, Олександр Вилкул, балистичката ракета погодила станбена зона. Друг локален функционер рече дека станбените блокови биле оштетени и избувнале пожари.
Ова е еден од најсмртоносните напади на Криви Рих од почетокот на војната, а градот исто така беше цел на почетокот на оваа недела кога беше погодена зграда во центарот, при што загинаа четири лица.
На социјалните мрежи се рашири вознемирувачка фотографија на која се гледаат родители од Украина како седат покрај телото на нивниот син, кој беше убиен во нападот.
