„Ноќта помина мирно, Папата појадуваше!“ – Ватикан издаде ново соопштение

Ватикан издаде ново соопштение за здравствената состојба на папата Франциско, кој веќе седми ден се наоѓа во болница. Во соопштението се наведува дека ноќта поминала мирно и дека Папата станал и појадувал.

„Папата имаше мирна ноќ и појадуваше“, соопштија од Ватикан.

Папата Франциско, кој боледува од двострана воспаление на белите дробови, продолжува со лекувањето во болницата „Џемели“ во Рим.

Оваа состојба дополнително го комплицира неговото закрепнување, со оглед на неговата возраст, но Ватикан соопшти дека е во стабилна состојба и дека постојат знаци за „мало подобрување“ според резултатите од последните анализи на крвта.

Папата беше примен во болница на 14. февруари поради проблеми со дишењето, а сите негови јавни активности се откажани до недела. Исто така, нема да има нови официјални настани согласно календарот што го објави Ватикан.

Папата го посети премиерката на Италија, Џорџа Мелони.