Норвешка влезе во рецесија! За многумина таа е сè уште земја од соништата, а нивната економска активност е во опаѓање веќе 6 месеци

Норвешка на крајот од минатата година влезе во рецесија бидејќи активноста се намалувала два квартали по ред. Активноста во секторот вадење нафта и гас и транспорт е намалена за еден отсто во однос на летниот квартал кога потона за 5,1 отсто. Така, од октомври до декември БДП е намален за 0,6 отсто во однос на претходните три месеци кога според ревидираните податоци падна за 1,6 отсто.

Без секторот нафта и гас, БДП падна за 0,4 отсто во четвртиот квартал, по речиси истиот процентуален раст во претходните три месеци. Извозот на нафта и гас е намален за еден процент, по падот од 6 отсто во летните месеци. Трошоците на домаќинствата и на претпријатијата се задржаа на нивото од претходните три месеци. 

Во цела минатата година БДП порасна за 2,1 отсто, по стагнацијата во 2023 година. Активноста во енергетскиот сектор скокна за 4,9 отсто, по падот од 1,0 отсто во 2023 година. Кога ќе се исклучи енергетскиот сектор, таа се зголеми за 0,6 отсто, речиси исто како и во 2023 година.