Skip to content
Норвешкиот законодавец вчера одобри туристички данок за да помогне во финансирањето на надградбите и подобрувањата на инфраструктурата, бидејќи земјата доживува туристички бум што имаше сериозни последици.
Новиот закон ќе воведе данок од 3 проценти на сместувањето, а би можел да се примени и на крузерите што се закотвуваат по должината на брегот, особено во областите погодени од приливот на туристи. Норвешка минатата година регистрираше рекордни 38,4 милиони ноќевања, од кои 12 милиони беа од странски туристи, покажуваат официјалните бројки.
Фјордовите и живописната природа на Норвешка привлекуваат сè повеќе посетители во земјата. Но, јавните тоалети и паркинзите се под опсада од туристите, што често доведува до судири со локалното население. Собраните средства ќе се користат исклучиво за подобрување на туристичката инфраструктура.
