Новонордиск не е веќе највредната европска компанија, местото го презеде еден германски гигант

Германскиот софтверски гигант SAP стана највредната европска компанија, заменувајќи ја данската фармацевтска компанија Novo Nordisk, јави денеска ДПА.

Пазарната вредност на SAP на Франкфуртската берза се зголеми на 314 милијарди евра (341 милијарди долари) во понеделникот, пред Ново Нордиск со 310 милијарди евра.

Компанијата, со седиште во Валдорф во југозападна Германија, работи на клауд системи и со вештачката интелигенција (ВИ).

Спротивно на тоа, Ново Нордиск изгуби околу половина од својата вредност од неговото рекордно високо ниво минатиот јуни, што следеше по развојот на пробивниот лек за слабеење.

Американските компании доминираат на глобалното рангирање на берзата.

Според студијата на ревизорската и консултантска фирма EY, само три германски бизниси се меѓу 100-те највредни котирани компании во светот во 2024 година: SAP, Siemens и Deutsche Telekom.

Студијата покажа дека 62 од 100-те најскапи компании во светот се со седиште во САД.