Обраќањето на Трамп во Конгресот ја одрази длабоката партиска поделеност во земјата

Говорот на претседателот пред Конгресот – дури и без формалниот сјај што го има Обраќањето за состојбата на Унијата – обично е време за повик за национално единство и предвидливи тврдења дека земјата е силна.

Но, тоа не беше планот на претседателот Доналд Трамп. Неговиот говор во вторникот вечерта беше немилосрдно партиски, фалејќи се за неговата изборна победа и критикувајќи ги демократите дека не ги препознале неговите достигнувања.

Со тврдиот пристап Трамп ја обвинуваше опозицијата и барајше лојалност низ целата федерална влада.

Трамп постави тон на поделеност речиси од неговите први зборови, нарекувајќи го неговиот претходник Џо Бајден најлошиот претседател во историјата и прекорувајќи ги демократите зошто му дале аплауз за неговите, како што самиот ги нарече, историски твитер.

Тој себе си се израмни со првиот претседател на земјата, Џорџ Вашингтон, издигнувајќи ги своите достигнувања од неговиот втор мандат.

Тој зборуваше во една поделена куќа. Републиканците стоеја и навиваа, а демократите молчеа, со повремени извици на протест, со единствен аплауз кога објави дека Украина сака да ги рестартира мировните преговори.

Трамп се фокусираше на неговото противење на афирмативната акција на програми за различности и трансродови права.

Инаку, во неверојатен прекршување на протоколот, демократот, пратеникот Ал Грин од Тексас, стана и му викна на Трамп, гестикулирајќи кон претседателот со неговиот бастун. Тој одби да седне на повикот на претседателот на Претставничкиот дом Мајк Џонсон, кој потоа му нареди на обезнедувањето да го отстранат Ал Грин.

Трамп ги опиша демократите како изгубена кауза. „Нема апсолутно ништо што можам да кажам за да ги направам среќни“, рече тој.

Претседателот отсекогаш уживал во неговата репутација за тешки обраќања. Но, споредено со 2017 година, кога Трамп го одржа својот прв говор пред Конгресот во неговиот прв мандат, се покажа дека тој станал повеќе тврдокорен.

Пред осум години, тој зборуваше за соработката со канадскиот Трудо за поддршка на жените претприемачи во двете земји. Тој му оддаде почит на „патот на нашата нација кон граѓанските права“. Тој рече дека „вистинската и позитивна имиграциска реформа е можна“. Немаше референца за Барак Обама, кој го замени во Белата куќа.

Сега Трамп се кара со Трудо околу царините. Тој го искористи својот говор за да ги критикува иницијативите за различност, еднаквост и вклучување, кои тој брзо ги елиминира низ федералната влада. Неговите забелешки за имиграцијата се фокусираа на депортирање на криминалци. И тој постојано го исмејуваше Бајден.