Skip to content
Насилството врз жените останува една од најпостојаните и недоволно адресирани кризи на човековите права во светот, со мал напредок во последните две децении, објави Организацијата на Обединетите нации.
Според најновиот извештај на Светската здравствена организација, на кој се повикува ООН, една од три жени – околу 840 милиони глобално – доживува физичко или сексуално насилство во текот на својот живот, најчесто од рацете на интимен партнер.
„Стигмата, срамот и стравот ги држат многумина во тишина. Но, секој од нас може да помогне со тоа што ќе проговори, ќе ги поддржи преживеаните, ќе престане да ги обвинува жртвите и ќе ги повика сторителите на одговорност. Насилството врз жените е сеприсутно – но не е неизбежно“ велат од ООН.
