Skip to content
Локален совет во југозападна Германија нареди да биде срушена џамија во општината до крајот на годината, поради долготраен спор иако станува збор за речиси завршен верски објект.
Муслиманското здружение кое ја изгради џамијата ќе мора да ја сруши зградата на свој трошок, изјави портпаролот на локалната администрација во градот Лајнфелден-Ехтердинген, кој се наоѓа во предградието на Штутгарт.
Во меѓувреме, советот, исто така, гласаше за поддршка на градот за здружението во наоѓањето алтернативни простории, рече тој.
Локалната верската организациј досега не коментираше за одлуката.
Здружението на исламски културни центри (ВИКЗ), со седиште во Келн, изјави дека разгледувањето на рушењето на џамијата не доаѓа предвид.
„Според нашето локално здружение, ние не можеме и нема да го спроведеме таквото барање“, рече портпаролот, без да даде дополнителни детали.
Спорот околу џамијата во Лајнфелден-Ехтердинген се фокусира на земјиштето, при што градот му ги додели на здружението правата за изградба на џамијата на општинско земјиште уште во 2014 година.
Но, кога организацијата не успеа да ја заврши зградата во рок од четири години, како што беше договорено, општинските власти го поништија правото на градење на земјиштето.
Во јануари 2024 година, највисокиот суд на Германија пресуди во корист на градот, отфрлајќи го барањето на здружението имотот да му биде префрлен.
По пресудата, беа спроведени низа преговори со организацијата, според властите, со цел да се најде решение и да се обнови изгубената доверба по правната битка.
Откако ги оцени тие напори за неуспешни, советот гласаше за уривање на џамијата за да повлече линија во спорот, велат од општината.
