Skip to content
Синоќа, на 15 мај, во Базел, Швајцарија, се одржа второто полуфинале на Песната за Евровизија 2025. По завршеното гласање, беа објавени имињата на десетте земји кои обезбедија пласман во големото финале.
Во финалето продолжуваат: Литванија, Израел, Ерменија, Данска, Австрија, Финска, Малта, Луксембург и Грција.
Уште поголемо изненадување за регионот е што ниедна земја од поранешна Југославија не помина во финале, што предизвика разочараност кај многу евровизиски фанови од Балканот.
Во центарот на вниманието е Шведска, која според сите обложувалници важи за најголем фаворит за победа. Нив ги претставува музичката група KAJ со песната „Bara bada bastu“, инспирирана од сауна културата, а се изведува на шведски јазик, што се случува првпат по 1998 година.
Песната доби огромна поддршка во земјата и постави рекорд по бројот на гласови на Мелодифестивален, националниот избор за Евровизија.
Шведска е една од најуспешните земји во историјата на натпреварот – седум пати победници (1974, 1984, 1991, 1999, 2012, 2015 и 2023), а сите прогнози укажуваат дека 2025 може да биде нивната осма победа.
Големото финале ќе се одржи во сабота, 17 мај, и се очекува со големо нетрпение.
