Папата Лав XIV ја посети Плавата џамија во Истанбул

Папата Лав XIV денеска ја посети познатата Султан Ахмед-џамија во Истанбул, попозната како Плава џамија, еден од најиконичните сакрални објекти од османлиското време. За разлика од неговиот претходник, папата Фрањо, кој во 2014 година се помоли во внатрешноста на џамијата, Лав XIV ја разгледа градбата без да изврши молитвен чин.

Ова е трет ден од неговата официјална посета на Турција и воедно историска турнеја – Лав XIV е првиот Американец што застанал на чело на Римокатоличката црква. Него го придружуваше големиот муфтија на Истанбул, што на визитата ѝ даде дополнителен меѓурелигиски симболизам.

Средби со православниот свет и таинствена заедничка декларација

Попладнево, папата ќе учествува на молитвена служба во Црквата „Свети Ѓорѓи“, пред да му се придружи на вселенскиот патријарх Вартоломеј Први во Патријаршиската палата на Златниот Рог. Двајцата верски лидери ќе потпишат заедничка декларација, чијашто содржина засега не се открива, но се очекува да биде од големо значење за меѓусебните односи на двете цркви.

Миса пред илјадници верници

Папата Лав XIV ќе го заokружи денот со миса во „Фолксваген арената“ во Истанбул, каде се очекуваат околу 4.000 верници. Неговата посета буди значајно внимание во Турција, но и пошироко, бидејќи фокусот е ставен на зголемување на меѓурелигискиот дијалог и обновување на мостовите меѓу Истокот и Западот.