Skip to content
Властите во Дубаи во понеделник го ставија под контрола пожарот предизвикан од напад со беспилотно летало во близина на меѓународниот аеродром во градот, што предизвика привремено суспендирање на летовите, иако не се пријавени повредени, рекоа тие, јави Ројтерс..
Војната меѓу САД и Израел против Иран ја фрли глобалната авијација во превирања, со откажани, презакажани и пренасочени летови, бидејќи поголемиот дел од воздушниот простор на Блискиот Исток останува затворен поради страв од напади со ракети и беспилотни летала, додека кризата ги зголемува цените на горивата.
Инцидентот од понеделник е трет на аеродромот во Дубаи, еден од најпрометните меѓународни туристички центри во светот, откако Иран ги започна своите напади врз земјите од Заливот на 28 февруари, со напади за кои Техеран рече дека се насочени кон присуството на САД во регионот.
Додека Обединетите Арапски Емирати и земјите од Заливот, како и Ирак, Јордан и Турција, се домаќини на американски воени објекти, Иран користел ракети и беспилотни летала за таргетирање цивилни објекти како што се аеродроми, хотели и пристаништа.