Познати првите 33 лица што ќе бидат ослободени од Хамас, меѓу нив 12 жени и две деца од 2 и 5 години

Израелската владината единица за координација за заложници и исчезнати лица денеска ги извести семејствата на 33-те израелски заложници кои се очекува да бидат ослободени во првата фаза од договорот за прекин на огнот во Газа.

Оние на списокот, кои треба да се вратат во период од 42 дена, се таканаречените „хуманитарни“ случаи: жени, деца, стари лица и изнемоштени лица.

Имено, на Израел не му е кажано колку од 33-ца се живи, иако очекува дека мнозинството се живи. Израел ќе добие целосен извештај за статусот на сите оние кои се на списокот седум дена по прекинот на огнот.

Редоследот на ослободување сè уште не е познат. Идентитетот на оние кои треба да се вратат се очекува да се обезбедат 24 часа пред секое ослободување.

Списокот е речиси идентичен со оној што го објави саудиска новинска куќа претходно овој месец, откако Хамас откри документ со имињата додека преговарачите се приближуваа до потпишување на договорот.

Списокот вклучува 12 жени и деца од 2 и 5 години.

Едно лице кое беше на списокот на саудискиот медиум и кое не е на списокот за ослободување е Јусеф Хамис Зијадне (54), за кој минатата недела беше потврдено дека е убиен во заробеништво, а чие тело беше пронајдено од ИД.

Кога беше објавен во медиумите претходно овој месец, канцеларијата на премиерот Бенјамин Нетанјаху го минимизираше списокот, велејќи дека тоа е онаа што Израел им го достави на земјите посредници во јули.

Покрај 33-те на списокот, Хамас држи уште 65 луѓе, а многу од нив веќе не се живи. Тие треба да бидат вратени како дел од втората фаза од договорот, доколку дојде до тоа, што исто така ќе доведе до траен прекин на огнот во Газа.