Skip to content
Ендру Маунтбатен Виндзор е уапсен под сомнение за злоупотреба на јавна функција, соопшти утрово Би-Би-Си. Други британски медиуми пишуваат дека принцот Ендру Маунтбатен-Виндзор е уапсен под сомнение за недолично однесување.
Во соопштението од полицијата вели: „Како дел од нашата истрага денес (19 февруари) уапсивме маж на возраст од околу 60 години од Норфолк под сомнение за недолично однесување и вршиме претреси на адреси во Беркшир и Норфолк. Мажот во моментов останува во полициски притвор. Не го именуваме лицето кое е во притвор, во согласност со националните упатства. Исто така, би сакале да ве потсетиме дека ова е активен случај и секое објавување треба да се изврши внимателно за да се избегне какво било потенцијално непочитување на судот.“
Помошникот началник на полицијата Оливер Рајт изјави: „По темелна проценка, отворивме истрага за ова тврдење за недолично однесување. Важно е да го заштитиме интегритетот и објективноста на истрагата додека работиме со нашите партнери за да го утврдиме наводното кривично дело. Го препознаваме значајниот јавен интерес во овој случај и ќе обезбедиме дополнителни информации навремено.“
Полицијата не објавува дополнителни детали додека истрагата продолжува.
Прницот Ендру се најде длабоко вовлечен во скандалите на Џефри Епштајн.