Принцот Хари пристигна во ненадејна посета на Украина

Принцот Хари пристигна во ненадејна посета на Украина во поддршка на украинските војници повредени во војната со Русија, објави весникот „Гардијан“.

Хари пристигнал во Киев со воз ноќ рано утрово, објави весникот, објавувајќи фотографии од него во луксузен вагон и како е пречекан на перонот во украинската престолнина.

Неговата посета се совпаѓа со патувањето во Киев на новата британска министерка за надворешни работи Ивет Купер, нејзина прва посета во странство откако ја презеде функцијата минатата недела.

Принцот беше во Украина со тим од неговата Фондација „Инвиктус гејмс“, која им помага на ранетите војници.

„Не можеме да ја запреме војната, но можеме да направиме сè што можеме за да помогнеме во процесот на закрепнување“, рече Хари.

Весникот објави дека тој требаше да се сретне со украинската премиерка Јулија Свириденко и околу 200 украински ветерани.

Хари, кој наполни 41 година во понеделник, 15 септември, се сретна со својот татко, кралот Чарлс III, за прв пат по речиси две години за време на посетата на Велика Британија претходно оваа недела.

Принцот се оддалечуваше сè повеќе од остатокот од кралското семејство откако се повлече од кралските должности и се пресели во Калифорнија со сопругата Меган во 2020 година.