Првиот геј имам во светот e убиен во Јужна Африка

Мухсин Хендрикс, имам на локална џамија и пионерска личност позната по тоа што отворено ја призна својата сексуална определба дека е геј, е убиен во Јужна Африка.

57-годишниот свештеник водел џамија во Кејп Таун наменета како безбедно засолниште за геј и други маргинализирани муслимани. Тој беше убиен во саботата наутро, откако во неговиот автомобилот со кој се движел во близина на јужниот град Гкеберха било пукано од заседа.

„Двајца непознати осомничени со покриени лица излегле од возилото и почнале да пукаат кон возилото“, се вели во соопштението на полицијата.

Веста за смртта на Хендрикс испрати шокантни бранови низ ЛГБТК+ заедницата и пошироко, предизвикувајќи излив на почит од целиот свет.