Русија ги отфрла американските предлози за Украина во нивната сегашна форма

Русија не може да ги прифати американските предлози за завршување на војната во Украина во нивната сегашна форма, бидејќи тие не ги решаваат проблемите што Москва ги гледа како причини за конфликтот, изјави висок руски дипломат.

Изјавата на рускиот заменик-министер за надворешни работи Сергеј Рјабков сугерира дека Москва и Вашингтон досега не успеале да ги надминат разликите во позициите што ги спомна рускиот претседател Владимир Путин пред повеќе од две недели, велејќи дека американските предлози треба да се прочистат.

Американскиот претседател Доналд Трамп е сè понетрпелив, тој смета дека Русија го одложува постигнувањето на поширок договор.

„Моделите и решенијата предложени од Американците ги сфаќаме многу сериозно, но не можеме да ги прифатиме сите во нивната сегашна форма. Колку што можеме да видиме, нема простор за нашето главно барање, а тоа е решавање на проблемите поврзани со основните причини за овој конфликт. Воопшто не постои такво нешто и тоа мора да се реши“, изјави Рјабков во интервју за рускиот магазин „Меѓународни односи“ објавено денеска, а го пренесоа руските државни медиуми.

Путин изјави дека сака Украина да се откаже од своите амбиции да се приклучи на НАТО, Русија целосно да ги контролира четирите украински региони на кои тврди дека полага право, и големината на украинската армија да биде ограничена.

Киев верува дека тоа би било капитулација.