Русија: Инцидентот во близина на брегот на Куба е агресивна провокација од страна на САД

Денес, Русија оцени дека инцидентот во близина на брегот на Куба, во кој учествувал глисер регистриран во Флорида, претставува „агресивна провокација од страна на Соединетите Американски Држави“, чија цел е да предизвика конфликт.

Кубанските сили убија четири лица протерани од Куба и ранија шест откако во среда влегоа со глисер во кубанските води и отворија оган врз кубанска патрола, соопшти владата во Хавана.

Тоа е агресивна провокација од страна на САД, чија цел е да ја ескалира ситуацијата и да започне конфликт, објави Министерството за надворешни работи на Русија, пренесува Ројтерс.