Руски власти: Украински дронови погодија рафинерија за нафта во Краснодар, неколку лица се повредени

Во текот на ноќта, украински беспилотни летала погодија рафинерија за нафта и пристаниште во регионот Краснодар на југот на Русија и предизвикаа материјална штета, објавија денес локалните власти.

Службениците во соопштението на Телеграм соопштија дека три лица се повредени во нападот врз пристаништето Кавказ, кое транспортира жито и течен гас и се наоѓа во Керченскиот теснец спроти Крим, пренесува Ројтерс.

Сервисниот брод и комплексот на пристаништето се оштетени, се додава во соопштението.

Во посебна изјава, властите известија за пожар што избувнал во регионалната рафинерија за нафта Афипски откако дрон се урна во тој објект.

Руското Министерство за одбрана соопшти дека во текот на ноќта соборило 87 украински беспилотни летала, вклучувајќи 31 над Азовското Море и 16 над Краснодар.