САД тврдат дека кинеските технолошки гиганти дека работат за кинеската војска

Американските власти додадоа повеќе кинески компании, меѓу кои Tencent и CATL, на списокот на субјекти за кои се тврди дека се поврзани со кинеската војска.

Овој список, познат како „Section 1260H“, е предупредување до американските компании за ризиците од соработка со кинески субјекти, според Би-Би-Си. Иако оваа одлука не значи веднаш санкции, таа би можела да доведе до дополнителни ограничувања од Министерството за финансии на САД.

Tencent, сопственик на WeChat, и CATL, водечки производител на батерии, ги отфрлија обвинувањата како неосновани. Кинеската влада ја осуди оваа одлука како обид за „неправедно задушување“ на кинеските компании.

Списокот, кој сега брои 134 компании, е дел од американската стратегија за спречување на технолошка поддршка за кинеската воена индустрија. Ова доаѓа откако Форд најави инвестиција од 2 милијарди долари за фабрика за батерии во Мичиген со лиценцирана CATL технологија, што предизвика дополнителен политички притисок.

Напнатоста меѓу САД и Кина дополнително расте, особено со можноста Доналд Трамп повторно да стане претседател, познат по својот цврст став кон Пекинг.

Минатата година, DJI и Hesai Technologies го тужеа Пентагон за нивното вклучување на листата, но остануваат на неа. Одлуката силно влијаеше на пазарот – акциите на Tencent паднаа за 7%, додека на CATL за 4% во Хонг Конг.