Самохран татко од Русија побегнал од војната во Украина за да си ги чува децата – осуден на 5 години затвор

Самохран татко и војник, Руслан Жадајев, кој побегнал од бојното поле за да биде со своите деца во рускиот град Волгоград, е осуден на пет години во казнена колонија затоа што ја напуштил својата единица, објави руската RTVI.

Според заменикот на Државната дума Нина Останина, таа не ги знае сите околности на случајот и не даде мислење за овој многудетен татко од Волгоград.

„Не се работи за таткото. Тој може да ги напушти децата исто како што ја напуштил својата татковина, така што јас не му верувам на тој човек. Треба да видиме со кого се децата сега, дали има блиски роднини, баби и дедовци итн. Дали сте сигурни дека оваа година ја поминал со децата?“ рече таа.

Човекот ја напуштил единицата во 2023 година и поминал една година дома. Подоцна бил вратен на бојното поле под надзор на командантот. Еден ден претходно, тој беше осуден на казнена колонија поради напуштање на единицата без дозвола.

Жадајев, кој потпишал договор со руското Министерство за одбрана, изјавил дека со оваа пресуда судот ги оставил неговите деца во дом за сираци. Малолетниците во моментов се сместени во привремен детски центар. Војникот веќе подолго време е разведен од сопругата, а познато е дека на поранешната сопруга ѝ е одземено родителското право.