Skip to content
Претседателот Доналд Трамп оваа недела би можел да одлучи да ги преземе првите чекори за елиминирање на Министерството за образование, велат за Си-Ен-Ен извори запознаени со ова прашање, бидејќи тој сака драматично да ја намали големината на федералната влада.
Претставници на Белата куќа подготвија извршна наредба со која секретарката за образование Линда Мекмахон треба да го започне процесот на распуштање на министерството, велат изворите. Се очекуваше Трамп да го потпише документот уште денеска, но плановите сè уште не биле финализирани.
Трамп одамна ја сигнализираше својата намера да го затвори овој ресотр, но за негово целосно елиминирање треба да се добие согласност од Конгресот, рече Мекмахон за време на сослушувањата на оваа тема.
Си-Ен-Ен претходно објави дека администрацијата подготвувала наредба за започнување на процесот за затворање на Министерството за образование. Трамп, исто така, планира да изврши притисок за Конгресот да усвои закон за ставање крај на одделот.
Нацрт-наредбата му упатува на МекМахон „да ги преземе сите неопходни чекори за да го олесни затворањето на Одделот за образование“.
„Експериментот за контрола на американското образование преку федерални програми и долари – и неодговорните бирократи со тие програми и поддршка од долари – ги пропадна нашите деца, нашите наставници и нашите семејства“, се вели во нацрт-наредбата.
Иако повиците за укинување на Одделот за образование или негово спојување со друга федерална агенција не се нови, овој потег досега немаше поддршка од Конгресот.
