Skip to content
Министрите за надворешни работи на Арапската лига денеска одлучија да ја вратат Сирија во организацијата по повеќе од една деценија суспензија, објави нејзиниот портпарол.
„Одлуката е донесена на затворен состанок на министрите во седиштето на Лигата во Каиро“, изјави Гамал Рошди, портпарол на генералниот секретар на организацијата.
Членството на Сирија беше суспендирано во 2011 година по крвавото задушување на уличните протести против владеењето на Асад, кои подоцна ескалираа во граѓанска војна. Голем број арапски земји ги повлекоа своите амбасадори од Дамаск.
Неодамна, неколку арапски држави, меѓу кои Саудиска Арабија и Египет, ги обновија дипломатските односи со Сирија, но некои држави, како Катар, сè уште се против целосно нормализирање на односите со Дамаск без политичко решение на тамошниот конфликт.
Арапските држави се обидуваат да постигнат консензус дали да го поканат Асад на состанокот на Арапската лига што ќе се одржи во Ријад на 19 мај.
