Skip to content
Телото на папата Франциск е изложено во ковчег во базиликата Свети Петар, а многумина предизвикаа револт поради несоодветно однесување.
Многу ожалостени верници кои во средата пристигнаа да оддадат почит на папата Франциск, го осудија однесувањето на корисниците на социјалните мрежи кои се фотографирале со селфи до неговиот отворен ковчег.
Откако почина на 88-годишна возраст на Велигденски понеделник, телото на папата беше пренесено во базиликата Свети Петар во Ватикан за тридневна проштална церемонија.
Personas se sacan selfies con el cuerpo del Papa y causan repudio en redes sociales #CooperativaContigo https://t.co/ZRtjleIf4w pic.twitter.com/EQiWZGgvtn
— Cooperativa (@Cooperativa) April 24, 2025
Десетици илјади верници дојдоа да му оддадат последна почит на покојниот папа, но некои предизвикаа негодување откако на социјалните мрежи објавија вознемирувачки селфи фотографии, на кои во позадина се гледа телото на Франциск во дрвен ковчег.
На Инстаграм се појави фотографија од жена која насмеано позира пред камерата, додека само неколку метри зад неа лежи починатиот папа, со бројаница во рацете.
Des gens font un selfie devant le corps du pape, exposé dans la basilique Saint-Pierre de Rome. Quelle époque pourrie dans laquelle les gens ne savent plus se tenir, même devant un défunt…#PapaFrancesco pic.twitter.com/cSk0ZU2Sou
— Tanguy David (@tanguy_france) April 24, 2025
Иако ватиканските власти формално не го забранија фотографирањето, според некои извештаи, чуварите интервенирале и ги сопреле некои посетители кои се обидувале да направат морбидни фотографии, пишува Daily Mail.
Ожалостените кои чекале и по осум часа во редица за последен пат да се простат со папата пред неговиот погреб во сабота, изјавиле дека оние што правеле селфи фотографии биле „непристојни“.
„Бев шокирана бидејќи претходно нè предупредуваа дека не смееме да фотографираме во Сикстинската капела, а овде луѓето си ги вадеа телефоните и се сликаа со ковчегот. Мислам дека тоа е многу несоодветно и зачудува што никој не ги сопре“, рече една посетителка.
Извор од Ватикан додаде:
„Би било добро кога луѓето би имале свест за тоа каде се наоѓаат и би покажале малку почит.“
Еден верник изјавил дека атмосферата била нарушена од страна на оние што „ги игнорирале предупредувањата“ и наместо во тишина да му оддадат почит, фотографирале.
Фотографиите на светските агенции покажуваат голем број луѓе собрани околу телото на папата со кренати телефони во воздух. Многу екрани светеле околу телото на покојниот папа, а некои дури користеле и селфи стапови за да добијат подобар кадар.
Забележани се и фотографии на калуѓерки собрани со телефони околу поранешниот поглавар на Католичката црква.
