Skip to content
Најмалку осум лица загинаа во Индонезија кога се урнала зграда на исламска школа, објавија денеска официјални извори. Несреќата се случила во понеделникот во провинцијата Источна Јава, додека стотици луѓе присуствувале на молитва во училиштето.
Според информациите од Канцеларијата за пребарување и спасување во Сурабаја, телата на двајца деца биле извлечени утрово од под бетонските блокови, а подоцна било најдено уште едно тело. Официјалните лица додаваат дека 59 лица останале заробени под урнатините, при што се стравува дека конечниот број на жртви може да биде многу поголем.
Причините за уривањето на зградата се уште не се познати, а истрагата е во тек. Инцидентот ја шокираше земјата, а спасувачките екипи сè уште трагаат по преживеаните. Претходно беа објавени податоци дека три ученика загинале, додека повеќе од 100 лица биле повредени во оваа страшна несреќа.
Се очекува дека во наредниот период ќе има нови соопштенија од Индонезија за точното утврдување на бројот на жртвите и причините за трагедијата.