Стјуардеса откри тајни што авиокомпаниите ги кријат – Зошто е добро да се качите меѓу првите

Иако многумина мислат дека авионите се безбедни, кражби се случуваат и за време на летовите.

Иако летањето обично се смета за сигурно и организирано искуство, реалноста е поинаква – постојат многу работи што патниците не ги знаат, а кои можат да го направат летот непријатен, па дури и опасен. Од хаос со рачниот багаж до кражби за време на летот, има скриени вистини што авиокомпаниите не ги откриваат.

Најшокантната вистина е дека кражби се случуваат и додека сте во воздух.

„Повеќето патници не го очекуваат тоа, бидејќи претпоставуваат дека се безбедни штом ќе се качат во авионот. Но, додека спиете или сте расеани, некој може да пребарува низ горните прегради и да земе нешто од вашиот куфер без никој да забележи“, предупредува Барбара Бачилиери, поранешна стјуардеса.

Таа додава дека некои крадци намерно купуваат авионски билети само за да се качат и да крадат за време на летот.

„Авиокомпаниите најчесто не преземаат одговорност ако нешто ви исчезне. А доколку кражбата ја пријавите по слетувањето, речиси е невозможно да си ги вратите работите“, објаснува таа.

За да не станете жртва, Барбара советува вредните предмети секогаш да ги држите кај себе и редовно да го проверувате багажот.

Митот за „резервираниот“ простор за багаж

Многу патници мислат дека просторот за багаж над нивното седиште им припаѓа, но тоа не е точно.

„Во авионите нема однапред резервирани места за рачен багаж. Ако сакате да бидете сигурни дека ќе има место за вашата торба блиску до вас, качете се меѓу првите или платете приоритетно влегување“, советува Барбара.

„Ако не можете сами да ја кренете торбата во горната преграда, тогаш таа е премногу тешка и треба да ја предадете како чекиран багаж“, нагласува Барбара.

Таа додава дека стјуардесите се подготвени да помогнат, но не се должни да го прават тоа.

„Замислете секој патник да побара помош – тоа значи стотици килограми што би требало да ги подигне екипажот. Ако се повредат, нема да можат да ја завршат смената, а авиокомпанијата нема да преземе одговорност“, објаснува таа.

Иако исклучоци постојат, како постари лица или патници со здравствени проблеми, во останатите случаи оваа задача е одговорност на самиот патник.