Таткото на Маск: Тој не беше добар родител

Ерол Маск, таткото на Илон Маск, гостуваше во емисијата „Вајд авејк“ (Wide Awake), каде што откри некои интимни детали за татковството на својот син и за големата трагедија што ја преживеа семејството во 2002 година, кога на Илон му починал неговиот син Невад, на возраст од само девет недели.

Таткото на милијардерот изјави дека Илон не бил „добар татко“ во раните години на родителството. „Првото дете минуваше премногу време со дадилки и почина под нивен надзор. Илон ќе ме убие за ова што го зборувам, но тоа е моето мислење. Тоа не е добро. Беа пребогати… Премногу дадилки“, изјави Ерол.

Тој истакна дека Илон и неговата поранешна сопруга, Џастин Вилсон, имале многу дадилки за нивните деца: Грифин, Вивиен, Кај, Саксон и Демијан, од кои секое дете имало своја дадилка. „Кога се разделија, имаа шест дадилки од оваа страна и шест од онаа страна. Многу чудна состојба“, додаде Ерол.

Прашан дали тоа значи дека Илон не минувал доволно време со децата, Ерол потврди дека тоа беше случај.

Интервјуто предизвика големи критики на интернет, а многумина потсетуваат на контроверзното минато на Ерол Маск, кој во меѓувреме се ожени со ќерката на поранешната партнерка.