„Тато сите сме многу горди на тебе“ – Вилијам му порача на својот татко, кралот Чарлс

Принцот од Велс му оддаде почит на неговиот „тато“ кралот Чарлс ден по крунисувањето, велејќи дека покојната кралица Елизабета Втора би била „горда мајка“. Неговиот говор беше на гала-концертот еден ден по крунисувањето за крал на неговиот татко Чарлс, што се одржа во замокот Виндзор.

Истакнувајќи ги достигнувањата на кралот Чарлс во последните 50 години, Вилијам рече: „Тато, сите сме многу горди на тебе“.

Тој, како престолонаследник даде свој завет на нацијата, велејќи: „Се обврзувам да ви служам на сите. На Кралот, на државата и на Комонвелтот“.

Кралот Чарлс и кралицата Камила – координирани во облека во сина боја – весело мавтаа со своите знамиња во текот на вечерта.

Принцезата од Велс, Кејт присуствуваше со децата принцот Џорџ и принцезата Шарлот. Принцот Луис, кој штотуку наполни пет години, остана дома по неговиот напорен ден на крунисувањето во саботата.

Присутните 20.000 луѓе ги добија билетите во јавно извлекување.

Концертот имаше музички дела, вклучувајќи ги маестро Андреа Бочели и Сер Брин Терфел кои соработуваа на You’ll Never Walk Alone, и Оли Мурс, која ја пееше Dance with Me Tonight. Обраќање имаше и модната дизајнерка Стела Макартни.

Имаше и видео обраќања од низа ѕвезди, вклучувајќи ја британската актерска легенда Џоан Колинс, поранешниот актер на Џејмс Бонд Пирс Броснан, уметникот Трејси Емин и велшкиот пејач Том Џонс – сите тие раскажуваа малку познати факти за монархот.

Ѕвезда на вечерта беше актерот на Топ Ган, Том Круз, кој испрати видео порака од неговиот авион War Bird, велејќи: „Пилотото до пилотот. Ваше височество, вие можете да бидете мој копилот во секое време“, салутирајќи му пред да се одјави.

Членовите на кралското семејство танцуваа и ја пееја „All Night Long“ на Лајонел Ричи – дури и кралот стана на нозе, како и војводата и војвотката од Единбург, Едвард и Софи и Зара и Мајк Тиндал.

Говорот на Вилијам на сцената дојде веднаш по настапот на Ричи – принцот се осврна на хитот на американскиот кантавтор, велејќи: „Нема да продолжам цела ноќ“, што предизвика смеа кај неговиот татко.

„Мојот татко отсекогаш разбирал дека луѓето од сите вери, од сите потекла и од сите заедници заслужуваат да бидат славени и поддржани. Тато, сите сме толку горди на тебе“, рече тој.

Принцот им се заблагодари на оние кои служат „во војската и полицијата, во училниците, болничките одделенија и локалните заедници“.

Тој заврши со велејќи „Боже чувај го кралот“, што гласно беше повторувано од публиката, а потоа беше интонирана државната химна.

За првпат беше изведено шоу со дронови на повеќе локации во кое учествуваа  1.000 дронови наредени во различни формации.

извор: Би-Би-Си (Новатв)