Skip to content
Постои надеж дека оваа година конечно ќе го видиме долгоочекуваниот пристапен електричен автомобил на Тесла, за кој некои извори тврдат дека ќе биде „кратка“ верзија на Модел Y, поевтина за производство за најмалку 20% и спремна да ја потресе автомобилската индустрија.
На веб-страницата на производителот во моментов нема ни трага од овој автомобил, но истовремено, Тесла без проблеми прифаќа депозити од 50.000 долари за резервација на друг митски електричен автомобил, кој се развива веќе подолг период.
Тој автомобил е втора генерација на Roadster, кој Илон Маск го претстави уште во ноември 2017 година, пишува CarScoops.
По осум години, Тесла уште прима резервации, иако на веб-страницата не постои никаква информација за тоа кога купувачите би можеле да очекуваат испорака на своите спортски автомобили.
Роковите за производство постојано се поместуваат
Маск првично тврдеше дека производството ќе започне 2020 година, но тој рок беше поместен за 2021, потоа 2022, па 2023, и сега 2024. Звучи познато?
Минатата есен, неколку месеци по тоа што најави дека производството би можело да започне во 2025 година, Маск им се заблагодари на купувачите кои уплатиле депозит за трпеливоста и рече дека компанијата е близу финализирање на дизајнот, но предупреди дека постојните сериски модели секогаш ќе имаат предност во понатамошниот развој.
Секако, ова е само дел од приказната во однос на разни грандиозни ветувања дадени во текот на годините, како што се тврдењата за забрзување од 0 до 96 км/ч за помалку од една секунда и опционален SpaceX пакет со десет ракетни потисници кои би го подобриле забрзувањето, максималната брзина, сопирањето, управувањето, а можеби и би му дозволиле на автомобилот да полета.
Во овој момент, изгледа дека единствени граници се – фантазијата… или физиката.
Иако Roadster не се појавува во паѓачкото мени на веб-страницата на Тесла заедно со Модел 3, Модел Y и Cybertruck, може да се најде во посебно мени на десната страна, покрај електричниот камион Semi.
Плаќаат 50.000 долари за резервација на место
Осем години подоцна, Тесла уште прима резервации од 50.000 долари за Roadster кој Маск првично го вети за 2020 година.
Ако кликнете на тој линк, ќе се отвори страница со различни компјутерски генерирани слики на црвен Roadster, прикажан со и без тarga кров, како и видео-снимка од презентацијата што Маск ја одржа пред многу години.
Текстот на страницата ветува забрзување до 96 км/ч за 1,9 секунди, четвртина милја (400 м) за 8,8 секунди, максимална брзина поголема од 402 км/ч и домет од 997 км.
Се наведува дека Roadster ќе има погон на сите четири тркала и, за разлика од повеќето конкуренти, места за четири патници.
Копчето „Резервирај сега“ води до едноставна страница за резервација на американскиот веб-сајт на Тесла, која прикажува само една профилна слика на црвен Roadster и не нуди никакви опции за конфигурација, бои или пакети.
Тесла дури не дава ни проценка на цената, иако неколку години претходно наведоа дека овој EV ќе чини помеѓу 200.000 и 250.000 долари.
Меѓутоа, фановите на Тесла кои не се обесхрабрени од недостатокот на конкретни информации можат да уплатат почетен депозит од 5.000 долари преку кредитна картичка и потоа ќе им биде кажано дека во рок од 10 дена мора да уплатат дополнителни 45.000 долари преку банкарски трансфер.
Се нагласува дека резервацијата не е потврдена додека не се изврши тој значителен депозит.
Поминаа речиси осум години откако прв пат го видовме Roadster, што е цел еден животен циклус во светот на автомобилите, па останува непознато дали, кога конечно ќе стигне – било оваа, следната или некоја иднина година – ќе биде истиот автомобил кој беше ветен уште 2017 година и кој и натаму се појавува на веб-страницата на Тесла.
