Skip to content
Секогаш ќе стоиме покрај НАТО – дури и ако тие не стојат покрај нас. Додека не дојдов јас, тие не ги плаќаа своите сметки.
Ова го изјави американскиот претседател Доналд Трамп, критикувајќи го воениот одбранбен сојуз во објава на својата социјална мрежа Truth Social.
„Дозволете ми да ги потсетам сите големи фанови на НАТО: тие беа на 2% од БДП и повеќето од нив не ги плаќаа своите сметки – додека не дојдов јас. САД, глупаво, платија за нив. Јас, со почит, ги зголемив на 5% од БДП – и тие плаќаат, и тоа веднаш. Сите велеа дека е невозможно, но се покажа дека е можно затоа што, пред сè, тие се мои пријатели“, нагласи Трамп и продолжи: „Без моја интервенција, Русија ќе ја имаше цела Украина во моментов. Дозволете ми да ве потсетам и дека јас сам завршив осум војни, а Норвешка – земја членка на НАТО – донесе глупава одлука да не ми ја даде Нобеловата награда за мир. Но, тоа не е важно. Важно е што спасив милиони животи.“
Доналд Трамп е категоричен дека „Русија и Кина воопшто не се плашат од НАТО без САД“.
„Се сомневам дека НАТО ќе биде тука за нас ако навистина ни требаат. Секој има среќа што ја обновив нашата војска во мојот прв мандат и продолжувам да го правам тоа. Ние секогаш ќе стоиме покрај НАТО – дури и ако тие нема да стојат покрај нас. Единствената земја од која Кина и Русија се плашат и ја почитуваат се САД, обновени од Доналд Џ. Трамп. Ајде повторно да ја направиме Америка голема!“