Трамп збеснал заради неговиот портрет во Колорадо и го споредил со оној на Обама за кој рекол дека е „прекрасен“

Претседателот Доналд Трамп збеснал заради неговиот портрет во зградата Капитол на федералната држава Колорадо. Го нарече „намерно извитоперен“ и го нападна гувернерот на Колорадо, Џеред Полис, демократ, затоа што бил поставен.

Трамп рекол дека портретот на поранешниот претседател Барак Обама, во споредба со неговиот, „изгледа прекрасно“.

Не е јасно што конкретно го поттикнало Трамп да се жали за неговиот портрет во Колорадо, кој, инаку, бил откриен во 2019 година за време на неговиот прв мандат. Иако тој го пофали портретот на Обама, тој се соочи со критики за оваа негова реакција на социјалните мрежи.

И двете дела се создадени од уметникот Сара Бродман (види споредба подолу). Трамп во својата објава на социјалните мрежи рече дека таа сигурно „го изгубила својот талент додека стареела“.