Skip to content
Мажот кој вчера наутро се искачи на долниот дел од кулата Елизабета, каде што се наоѓа Биг Бен во Вестминстер, се симна по 16 часа и веднаш беше уапсен, соопшти британската полиција.
За време на протестот, тој вееше палестинско знаме и извикуваше „Слобода за Палестина“, а настанот предизвика голема полициска акција и затворање на дел од областа околу британскиот Парламент.
Специјални полициски тимови и пожарникари беа ангажирани за справување со ситуацијата. Според официјални извори, спасувачки тим користел кран за да преговара со мажот, кој одбивал веднаш да се симне, инсистирајќи дека ќе го направи тоа „по свои услови“.
The fact that someone managed to climb Big Ben today shows us just how inept the Police are, The Houses of Parliament are surrounded by armed police who often stop and question people for just taking photos, yet this idiot gets in and climbs the building without being stopped 🤦♂️ pic.twitter.com/GWRotTmi6U
— Scott Cheggs (@Mr_Scott_Cheggs) March 8, 2025
Во снимките објавени од британските медиуми, се слуша како преговарачите му укажуваат за можни повреди на стапалата, забележувајќи траги од крв, како и за ризикот од хипотермија бидејќи бил несоодветно облечен за ниските ноќни температури.
Инцидентот доведе до привремено затворање на Вестминстерскиот мост и откажување на посетите на Парламентот. По завршувањето на драмата и апсењето на мажот, сите улици повторно беа отворени, пренесе „Скај Њуз“.
