Skip to content
Наставник и ученик тинејџер се убиени во понеделникот во пукање во приватно христијанско училиште во Медисон во држвата Висконсин, соопшти полицијата.
На брифингот за новинари во понеделникот вечерта, началникот на полицијата во Медисон, Шон Барнс, рече дека напаѓачот е идентификуван како 15-годишната Натали Рупноу, која се викала Саманта.
„Таа беше ученичка во училиштето и доказите сугерираат дека таа починала од прострелна рана што си ја нанела“, рече тој.
Барнс рече дека родителите на Рупноу соработуваат со детективи и дека мотивот за пукањето се уште не е утврден.
Во престрелката се повредени уште шест лица, изјави Барнс. Двајца ученици останале во критична состојба со повреди опасни по живот.
Претседателот Бајден е информиран за пукањето, а високи функционери на Белата куќа „се во контакт со локалните колеги во Медисон за да обезбедат поддршка доколку е потребно“, се вели во извештајот на печатот.
Според Си-Ен-Ен, пукањето во Христијанското училиште „Бандант Лајф“ во Медисон, Висконсин, во понеделникот беше 83. училишно пукање регистрирано во 2024 година, надминувајќи ја 2023 година за најмногу престрелки во училиштата во една година откако Си-Ен-Ен почна да следи такви инциденти во 2008 година.
