Skip to content
Целосниот колапс и распаѓање на Русија на Владимир Путин започна и Западот мора да биде подготвен да се справи со потенцијално катастрофалните последици, предупреди висок функционер во Владата на Володимир Зеленски. Олексеј Данилов, секретар на Советот за национална безбедност и одбрана на Украина, истакна дека Западот мора да биде во состојба на готовност бидејќи во минатото не бил подготвен за распадот на Советскиот Сојуз.
Говорејќи во интервју за „Тајмс“, Данилов нагласи дека „Западот не ја познава Русија и Западот се плаши од фрагментација во Русија. Но, овој процес е веќе во тек“.
Во изминатите месеци, конфликтот се концентрираше околу источниот град Бахмут во близина на регионот Донецк, а ниту една страна не постигна значителни резултати. Во меѓународната заедница, дел од фокусот е префрлен на дипломатијата, при што кинескиот претседател Си Џинпинг минатиот месец ја посети Москва на тридневен самит со Путин.
Посетата беше обид на Москва да им ги покаже на западните сојузници своите блиски односи со Пекинг, особено на САД. Но, Данилов верува дека посетата едноставно ја покажала слабоста на Кремљ. Тој рече дека Русија ја изгубила моќта над некогашните лојални сојузници во Азија, а Кина сега чека Русија да пропадне за да го заземе сибирскиот Далечен исток, каде што има значително кинеско население.
Да се дозволи Кина да ја преземе руската територија ќе биде опасно за Западот бидејќи решавањето на еден проблем ќе создаде друг. Западот сега мора да преземе почетни чекори, изјави Данилов за „Тајмс“.
