Украинското знаме повторно се вее во Покровск: борбата за клучниот град продолжува

И покрај неодамнешните тврдења на рускиот претседател Владимир Путин дека неговите сили го зазеле Покровск, борбите за стратешки важниот град во источна Украина не запираат. Украинските сили се повлекуваат чекор по чекор, но одбиваат да се откажат од територијата што Русија ја смета за клучна за целосно освојување на Донбас, пишува BBC.

На едно украинско командно место, далеку од првата линија, офицерите постојано следат десетици преноси од дронови и координираат удари врз руските позиции. Командирот на јуришната бригада „Скала“, Јуриј, сака да докаже дека Украина сè уште го контролира северниот дел од Покровск.

Преку радио тој им наредува на двајца војници да ја подигнат украинската знаме на отворена позиција, чин на храброст и пркос. Дрон ја снима сцената: знамето се вее неколку секунди пред војниците повторно да се засолнат.

„Сега го видовте со свои очи“, вели Јуриј. „Светот мора да знае дека нема да се откажеме. Ако не го покажеме тоа, ќе ја изгубиме и поддршката.“

Долготрајна битка што го исцрпува двата табора

Борбата за Покровск трае речиси 18 месеци. Градот, некогаш важно логистичко средиште на украинската армија, денес е разрушен. Русија напредува од југ, додека Украина го држи северот, до железничката линија што го пресекува градот.

Младиот командир Саша покажува тактичка карта со минијатурни фигури: зелените позиции се украински, а кафеавите го означуваат руското напредување.

Тој објаснува дека Русите користат мали тимови од два до четири војници, често облечени како цивили, кои се обидуваат да се инфилтрираат зад украинските линии.

„Добра тактика е за добивање упориште“, вели тој. „Но ако некој влезе во нашата позадина, го елиминираме за 15 до 20 минути.“

Иако Русија трпи големи жртви, сепак има бројна предност. Украинскиот војник познат како „Зајко“ покажува документи од погинати руски војници. На прашањето дали убиле многу непријателски сили, тој кратко вели: „Недоволно.“

Тој покажува и руска митралезна пушка запленета од соборец кој се борел 70 дена без прекин.

Дронови, магла и исцрпување

Друг војник, „Дух“, ситуацијата ја опишува како „напрегната, но не критична“. Тој ги демантира руските тврдења дека градот е опколен.

Украинците постојано се кријат од безброј руските дронови. „Хотабич“, кој неодамна се вратил од фронтот, вели: „Кога дрон те забележува, тоа е најстрашниот момент. Ги има многу и летаат ден и ноќ.“

Украинските војници се надеваат на лошо време, магла, дожд и облачно небо, сè што може да им го отежни летот на руските беспилотни летала.

Иако многу војници избегнуваат политички дискусии, доброволецот „Кум“, Летонец и заменик-командир на бригадата „Скала“, творено зборува.

„Ако Украина го изгуби овој војна, следна ќе биде Летонија,“ вели тој.

За американскиот претседател Доналд Трамп вели дека е „харизматичен лидер“, но додава: „Ако неговиот пратеник стане на страната на Путин, тоа изгледа како слабост за Америка.“

За Европа порака му е кратка: „Премногу зборови, премалку акција.“

Украинската порака: „Не сме паднати“

Сите украински борци со кои разговарал BBC испраќаат заедничка порака:
Покровск не е паднат. Борбата продолжува.

Според нив, ситуацијата е тешка, но не и безизлезна, а светот мора да види дека Украина сè уште се бори.