Врховниот командант на вооружените сили на Украина, Валериј Залужни е решен да го врати привремено окупираниот Крим штом ќе бидат достапни потребните средства.
Залужни ја даде изјавата во интервју за весникот Вашингтон пост, објави Укринформ.
Штом ќе имам средства, ќе направам нешто. Воопшто не размислувам – никој нема да ме спречи, нагласи Залужни.
Според весникот, главниот командант на украинските вооружени сили не се срами од неговата намера да го деокупира Крим, иако некои западни функционери приватно се загрижени за тоа каков ќе биде одговорот на Путин доколку украинските трупи некогаш стигнат на полуостровот.
Освен тоа, Залужни ја истакна потребата на Украина од муниција, додека партнерите прават напори да ја исполнат побарувачката.
Колку повеќе Украина може да пука, затегнувајќи ги руските сили, толку помалку жртви ќе претрпи, порача Залужни.
Според украинското разузнавање, Русите со месеци темелно се подготвувале за одбрана на Крим и поставиле повеќеслојна одбрана во неколку линии, вклучувајќи утврдувања, инженерски конструкции и километарски ровови. Меѓутоа, руските напаѓачи на привремено окупираниот Крим разгледуваат различни сценарија, а едно од нив е повлекување од полуостровот.
