Skip to content
Авион Ф-16 на полското воено воздухопловство се урна за време на пробен лет пред аеромитингот во Радом, во централниот дел на земјата, а пилотот загина во несреќата, изјави синоќа портпаролот на полската Влада.
„Трагедија се случи во Радом. Авион Ф-16 се урна за време на подготовките за аеромитинг. За жал, пилотот загина. Вицепремиерот и министер за одбрана Владислав Косињак-Камиш разговараше со премиерот и е на пат кон местото на несреќата“, изјави портпаролот на полската влада Адам Шлапка во објава на социјалната мрежа X.
Несреќата се случила вчера околу 17:30 часот кога авионот се урна на пистата, поради што аеромитингот во Радом, планиран за викендот, беше откажан, наведуваат полските медиуми.
#BREAKING | Polish Air Force F-16 Crash During Radom Air Show Training
— The Global Eye (@TGEThGlobalEye) August 28, 2025
A Polish Air Force F-16 reportedly crashed this evening during a training session for the upcoming Radom Air Show, scheduled for August 30-31. https://t.co/kHWJs0HzwL pic.twitter.com/dHE6pjG33Z