Во бродска несреќа во Нигерија загинаа најмалку 100 лица

Најмалку 103 лица загинаа кога брод со луѓе кои се враќаа од свадба се преврте во северна Нигерија.

Жителите и полицијата сè уште трагаат по десетици луѓе кои биле на преполниот брод што се преврте рано во понеделникот на реката Нигер, изјави портпаролот на полицијата Окасанми Ајаи. Тој рече дека досега се спасени 100 луѓе.

На бродот имало речиси 300 луѓе. На свадбата пристигнале со мотори, но морале да заминат со брод бидејќи дождот го поплавил патот. Бидејќи несреќата се случила во 3 часот по полноќ, поминале неколку часа пред да се прошири веста за несреќата.